ਲੀਨਕਸ ਲਾਈਵ ਪੰਜਾਬੀ ਓਪਰੇਟਿੰਗ ਸਿਸਟਮ

ਕਰੀਬ ਦੋ ਸਾਲਾਂ ਦੇ ਵਕਫ਼ੇ ਬਾਅਦ ਲਾਈਵ ਸੀਡੀ ਰੀਲਿਜ਼ ਕਰਨ
ਦਾ ਮੌਕਾ ਬਣਿਆ ਹੈ ਅਤੇ ਇੱਕ ਵਾਰ ਫੇਰ ਲਾਈਵ ਓਪਰੇਟਿੰਗ
ਸਿਸਟਮ ਨੂੰ ਪੰਜਾਬੀ ਲਈ ਤਿਆਰ ਕੀਤਾ ਗਿਆ ਹੈ, ਜਿਸ ਨਾਲ
ਤੁਸੀਂ ਆਪਣੀ ਮਸ਼ੀਨ ਉੱਤੇ ਇੰਸਟਾਲ ਕੁਝ ਨਹੀਂ ਕਰਨਾ ਅਤੇ ਤੁਸੀਂ
ਲੀਨਕਸ ਅਤੇ ਪੰਜਾਬੀ ਨੂੰ ਚੱਲਦਾ ਵੇਖ ਸਕਦੇ ਹੋ, ਵੈੱਬਸਾਈਟ ਵੇਖ
ਸਕਦੇ ਹੋ, ਟਾਈਪ ਕਰ ਸਕਦੇ ਹੋ, ਭਾਵ ਕਿ ਸਭ ਕੁਝ ਕਰ ਸਕਦੇ ਹੋ,
ਜੋ ਕਿ ਓਪਰੇਟਿੰਗ ਸਿਸਟਮ ਤੋਂ ਉਮੀਦ ਹੁੰਦੀ ਹੈ!

ਇਸ ਵਾਰ ਫੇਡੋਰਾ ਦੀ ਵਰਤੋਂ ਕਰਕੇ ਲਾਈਵ ਸੀਡੀ ਤਿਆਰ ਕੀਤੀ ਗਈ
ਹੈ, ਜਿਸ ਵਿੱਚ ਕਿ ਗਨੋਮ ਅਤੇ ਕੇਡੀਈ ਦੋਵੇਂ ਵਰਜਨ ਤਿਆਰ ਹਨ

ਪੰਜਾਬੀ ਲਾਈਵ ਓਪਰੇਟਿੰਗ ਸਿਸਟਮ KDE ਡਾਊਨਲੋਡ

ਪੰਜਾਬੀ ਲਾਈਵ ਓਪਰੇਟਿੰਗ ਸਿਸਟਮ ਗਨੋਮ ਡਾਊਨਲੋਡ

ਹੋਰ ਵਧੇਰੇ ਜਾਣਕਾਰੀ ਲਈ ਵੈੱਬ ਸਾਈਟ ਉੱਤੇ

ਕੇਡੀਈ ਲਾਈਵ ਸੀਡੀ ਸੂਚਨਾ
ਗਨੋਮ ਲਾਈਵ ਸੀਡੀ ਸੂਚਨਾ

ਵੇਖੋ। ਭਾਵੇਂ ਕਿ ਬਹੁਤੇ ਦੀ ਉਮੀਦ ਨਾ ਹੀ ਕਰਦੇ ਹੋਏ
ਇਹ ਡਾਊਨਲੋਡ ਲਈ ਦਿੱਤਾ ਜਾ ਰਿਹਾ ਹੈ, ਪਰ ਫੇਰ ਵੀ ਜੇ
ਤੁਹਾਡੇ ਕੋਲ ਡਾਊਨਲੋਡ ਦੀ ਸਮਰੱਥਾ ਹੋਵੇ ਤਾਂ ਇੱਕ ਵਾਰ ਵਰਤਣ
ਦੀ ਕੋਸ਼ਿਸ਼ ਜ਼ਰੂਰ ਕਰਨੀ, ਸਾਡੇ ਜਤਨਾਂ ਨੂੰ ਇੱਕ ਨਿੰਮ੍ਹਾ ਜੇਹਾ ਹੁਲਾਰਾ
ਦੇਣ ਲਈ

ਅਨੁਵਾਦ ਦਾ ਕੰਮ ਅਤੇ ਵੱਖ ਵੱਖ ਇੰਟਰਨੈੱਟ ਪਰੋਜੈਕਟ

ਵੱਖ ਵੱਖ ਪਰੋਜੈਕਟਾਂ ਤੋਂ ਮਤਲਬ ਹੈ ਕਿ ਜਿੰਨ੍ਹਾਂ ਲਈ ਮੈਂ ਕਰ ਰਿਹਾ ਹਾਂ, ਵਲੰਟੀਅਰ

ਦੇ ਤੌਰ ਉੱਤੇ, ਇੰਟਰਨੈੱਟ ਦਾ ਮਤਲਬ ਕਿ ਜਿੰਨ੍ਹਾਂ ਦੀ ਟਰਾਂਸਲੇਸ਼ਨ ਕੇਵਲ

ਆਨਲਾਈਨ ਹੀ ਕਰਨੀ ਪੈਂਦੀ ਹੈ, ਮੇਰਾ ਵਾਹ ਪਿਆ ਹੈ ਹੇਠ ਦਿੱਤਿਆਂ ਨਾਲ:

ਗੂਗਲ

ਫੇਸਬੁੱਕ

ਵਲਡ-ਪਰੈੱਸ

ਸਭ ਤੋਂ ਪਹਿਲਾਂ ਗੂਗਲ ਲਈ ਕੰਮ ਕੀਤਾ, ਕਿਉਂਕਿ ਇਹ ਪਰੋਜੈੱਕਟ ਵਿੱਚ

ਕਈ ਭਾਗ ਸਨ, ਬਲੌਗਰ, ਜੀਮੇਲ, ਗੂਗਲ ਸਰਚ ਆਦਿ, ਇਸਕਰਕੇ

ਇਹ ਕਾਫ਼ੀ ਵੱਡਾ ਕੰਮ ਸੀ ਅਤੇ ਕੁਝ ਦੇਰ ਕੰਮ ਕੀਤਾ, ਪਰ ਦਖਲ-ਅੰਦਾਜ਼ੀ

ਬਹੁਤ ਸੀ ਅਤੇ ਕੰਮ ਘੱਟ ਹੁੰਦਾ ਸੀ, ਲੋਕ ਅੰਗਰੇਜ਼ੀ ਦੇ ਸ਼ਬਦਾਂ ਦਾ ਅਨੁਵਾਦ

ਪੰਜਾਬੀ ਵਿੱਚ ਘੱਟ ਹੀ ਕਰਦੇ ਸਨ, ਬਲਕਿ ਅੰਗਰੇਜ਼ੀ ਦੇ ਸ਼ਬਦਾਂ ਨੂੰ ਪੰਜਾਬੀ

ਵਿੱਚ ਲਿਖਦੇ ਸਨ (ਭਾਵੇ ਕਿ search ਨੂੰ Khoj ਲਿਖਣਾ ਆਦਿ), ਉੱਥੇ

ਕੋਈ ਸੁਣਨ ਵਾਲਾ ਹੀ ਨਹੀਂ ਸੀ ਅਤੇ ਗੂਗਲ ਨੂੰ ਬਹੁਤ ਪਰਵਾਹ ਹੀ

ਨਹੀਂ ਸੀ, ਕਿਸੇ ਮੇਲ ਦਾ ਕੋਈ ਜਵਾਬ ਹੀ ਨਹੀਂ, ਖ਼ੈਰ ਉਸ ਤੋਂ ਬੁਰਾ

ਹਾਲ ਰਿਹਾ ਕਿ ਛੇਤੀ ਅੱਪਡੇਟ ਨਹੀਂ ਸਨ ਕਰਦੇ ਅਤੇ ਅਨੁਵਾਦ

ਉਪਲੱਬਧ ਨਹੀਂ ਸੀ ਹੁੰਦੇ, ਕਈ ਮਹੀਨਿਆਂ ਬਾਅਦ ਵੀ ਨਹੀਂ, ਨਾ

ਕੋਈ ਦੱਸਣਾ ਨਾ ਪੁੱਛਣਾ! ਟਰਾਂਸਲੇਸ਼ਨ ਕਰਦਿਆਂ ਇੱਕ

ਸੌਖ ਸੀ ਕਿ ਦੱਸਿਆ ਹੁੰਦਾ ਸੀ ਕਿ ਕਿੱਥੇ ਵਰਤੀ ਜਾਂਦੀ ਹੈ...


ਫੇਸਬੁੱਕ: ਇਹ ਪਰੋਜੈਕਟ ਮੇਰਾ ਸਭ ਤੋਂ ਵੱਧ ਪਸੰਦੀਦਾ ਰਿਹਾ ਹੈ,

ਆਨਲਾਈਨ ਅਨੁਵਾਦ ਤਾਂ ਕਯਾ ਬਾਤਾਂ ਹੀ ਸੀ, ਬਹੁਤ ਹੀ ਸੌਖਾ

ਢੰਗ ਕਿ ਜੋ ਲਾਈਨ ਦਾ ਅਨੁਵਾਦ ਕਰਨਾ ਹੈ, ਉਸ ਨੂੰ ਰਾਈਟ-ਕਲਿੱਕ

ਕਰੋ ਅਤੇ ਅਨੁਵਾਦ ਕਰ ਦਿਓ, ਵੋਟਾਂ ਪਾਉਣ ਦਾ ਆਪਣਾ ਹੀ ਨਜ਼ਾਰਾ ਸੀ,

ਇਹ ਸੱਚਮੁੱਚ ਹੀ ਬਹੁਤ ਵਧੀਆ ਸੀ, ਇੰਟਰਫੇਸ ਥੋੜ੍ਹਾ ਭਾਰੀ ਲੱਗਦਾ ਹੈ,

ਪਰ ਤਾਂ ਵੀ USB ਮਾਡਮ ਉੱਤੇ ਵੀ ਚੰਗੀ ਟਰਾਂਸਲੇਸ਼ਨ ਕਰ ਦਿੱਤੀ ਅਤੇ ਬਹੁਤ

ਹੀ ਆਨੰਦ ਆਇਆ ਕੰਮ ਕਰਕੇ, ਰੂਹ ਖੁਸ਼ ਹੋ ਗਈ!


ਵਲਡ-ਪਰੈੱਸ: ਇਸ ਦਾ ਅਨੁਵਾਦ ਗੂਗਲ ਨਾਲੋਂ ਚੰਗਾ ਜਾਪਿਆ, ਇੰਟਰਨੈੱਟ

ਕੁਨੈਕਸ਼ਨ ਉੱਤੇ ਗੂਗਲ ਦੇ ਅਨੁਵਾਦ ਨਾਲੋਂ ਚੰਗਾ ਹੋ ਰਿਹਾ ਸੀ, ਇੱਕਲਾ-ਇੱਕਲਾ

ਸ਼ਬਦ ਅਨੁਵਾਦ ਕੀਤਾ ਜਾ ਸਕਦਾ ਸੀ, ਜੋ ਕਿ ਗੂਗਲ ਵਿੱਚ ਕਰਨ ਬਾਅਦ ਉਹ

ਸਭ ਅਨੁਵਾਦ ਨੂੰ ਡਾਊਨਲੋਡ ਕਰਨ ਲੱਗ ਪੈਂਦਾ ਸੀ, ਕੁੱਲ ਮਿਲਾ ਕੇ ਗੂਗਲ ਨਾਲੋਂ ਚੰਗਾ

ਸੀ, ਪਰ ਫੇਸਬੁੱਕ, ਨਾ ਨਾ ਨਾ ਨੇੜੇ ਤੇੜੇ ਵੀ ਨਹੀਂ ਸੀ...

ਵਿੰਡੋਜ਼ ਹੌਲੀ ਕਿਓ ਹੁੰਦੀ ਹੈ ਅਤੇ ਹੱਲ਼ ਕੀ ਹੈ?

ਮੇਰਾ ਇੱਕ ਦੋਸਤ ਆਪਣਾ ਲੈਪਟਾਪ ਲੈ
ਕੇ ਆਇਆ ਅਤੇ ਕਿਹਾ ਕਿ ਵਿੰਡੋਜ਼
ਬਹੁਤ ਹੌਲੀ ਚੱਲਦੀ ਹੈ, ਜਿਸ ਵਿੱਚ
ਕੋਰ-ਟੂ-ਡੀਇਓ 2.0Ghz ਅਤੇ 3 ਜੀਬੀ ਰੈਮ
ਹੈ, ਵੇਖਣ ਤੋਂ ਪੰਦਰਾਂ ਇੰਚ ਸਕਰੀਨ ਨਾਲ
ਲੈਪਟਾਪ ਚੰਗਾ ਜਾਪ ਰਿਹਾ ਸੀ, ਪਰ
ਚਲਾ ਕੇ ਵੇਖਣ ਉਪਰੰਤ ਹੌਲੀ ਜਾਪਿਆ
ਬਹੁਤ ਹੀ ਹੌਲੀ ਸੀ, ਵਾਕਿਆ ਹੀ ਬਹੁਤ
ਮੈਂ ਕੁਝ ਮੁੱਢਲੇ ਇਲਾਜ਼ ਵਿੱਚ ਵਿੰਡੋਜ਼
ਐਕਸ-ਪੀ ਵਿੱਚ ਗਰਾਫਿਕਸ ਫੀਚਰ ਬੰਦ ਕੀਤੇ,
ਇੰਡੈਕਸ ਸਰਵਿਸ ਠੀਕ ਕੀਤੀ, ਡਿਸਕ
ਡੀ-ਫਰੈਗਮੈਂਟ ਕੀਤੀ, ਅਤੇ ਵੀਐਮਵੇਅਰ
ਸਰਵਿਸ ਬੰਦ ਦਿੱਤੀ, ਇੱਕ ਘੰਟੇ ਦੀਆਂ
ਟੱਕਰਾਂ ਬਾਅਦ ਕਾਫ਼ੀ ਹੱਦ ਤਾਂ ਸੁਧਾਰ
ਆ ਤਾਂ ਗਿਆ, ਪਰ ਫੇਰ ਵੀ ਹੌਲੀ ਸੀ, ਉਸ
ਲੈਪਟਾਪ ਤੋਂ ਮੇਰਾ 1.8Ghz 2ਜੀਬੀ ਰੈਮ
ਵਿਸਟਾ ਵਿੰਡੋਜ਼ ਨਾਲ ਤੇਜ਼ ਚੱਲਦਾ ਸੀ
ਉਸ ਕੋਲ ਜਾਅਲੀ ਵਿੰਡੋਜ਼ ਸੀ, ਓਰੀਜਨਲ
ਨਹੀਂ ਸੀ, ਅੱਪਡੇਟ ਤਾਂ ਇਹ ਲੈ ਨਹੀਂ ਸੀ
ਸਕਦਾ, ਕੇਵਲ ਐਂਟੀਵਾਈਰਸ ਹੀ ਅੱਪਡੇਟ ਹੋ
ਸਕਦਾ ਸੀ, ਅਤੇ ਉਹ ਕੱਲ੍ਹ ਨੂੰ ਕਰਾਂਗੇ,
ਪਰ ਹੌਲੀ ਹੋਣ ਦਾ ਇਹ ਆਖਰੀ ਤੁੱਕਾ ਰਹੇਗਾ,
ਕਿਉਂਕਿ ਮੈਂ ਸਹੀ ਜਵਾਬ ਨਹੀਂ ਸੀ ਲੱਭ
ਸਕਿਆ, ਸ਼ਾਇਦ ਹੀ ਕਦੇ ਲੱਭ ਸਕਾਂ, ਪਰ
ਅਸਲੀ ਵਿੰਡੋਜ਼ ਵਰਤਣੀ ਚਾਹੀਦੀ ਹੈ, ਇਹ
ਮੇਰਾ ਨਿੱਜੀ ਵਿਚਾਰ ਹੈ, ਘੱਟੋ-ਘੱਟ
ਸਭ ਸਾਫਟਵੇਅਰ ਇੰਜਨੀਅਰ ਅਤੇ ਹੋਰ ਕੰਪਿਊਟਰ
ਉੱਤੇ ਕੰਮ ਕਰਨ ਵਾਲਿਆਂ ਨੂੰ ਤਾਂ ਨੈੱਟ-ਸੰਸਾਰ
ਉੱਤੇ ਵਾਇਰਸ ਅਤੇ ਹੋਰ ਖਤਰਿਆਂ ਨੂੰ ਠੱਲ੍ਹ ਪਾਈ
ਜਾ ਸਕੇ...

ਪੰਜਾਬੀ ਯੂਨੀਕੋਡ ਵੈੱਬਸਾਈਟ ਅਤੇ ਬਲੌਗ ਵਿੱਚ ਤਰੱਕੀ

ਕੁਝ ਮਹੀਨਿਆਂ ਵਿੱਚ ਬਹੁਤ ਸਾਰੇ ਬਲੌਗ ਅਤੇ ਵੈੱਬ-ਸਾਈਟਾਂ
ਯੂਨੀਕੋਡ ਵਿੱਚ ਉਭਰੀਆਂ ਹਨ, ਜਿਸ ਵਿੱਚ ਨਵੇਂ ਨੌਜਵਾਨ ਖੂਨ
ਦੇ ਨਾਲ ਨਾਲ ਪੁਰਾਣੇ ਲੇਖਕਾਂ ਵਲੋਂ ਵੀ ਇੰਟਰਨੈੱਟ ਅਤੇ ਪੰਜਾਬੀ
ਯੂਨੀਕੋਡ ਨੂੰ ਅਪਣਾਉਣ ਦੀ ਪਹਿਲ ਬਹੁਤ ਹੀ ਅਚੰਭੇ ਭਰੀ ਰਹੀ!

ਮੈਨੂੰ ਖੁਸ਼ੀ ਹੈ ਕਿ ਇਹ ਕਦਮ ਪੰਜਾਬੀ ਭਾਸ਼ਾ ਲਈ ਨਵੀਂ ਜਾਨ
ਪਵੇਗਾ, ਜਿੱਥੇ ਕਿ ਕਦੇ ਕਾਂ ਬੋਲਦੇ ਹਨ, ਅੱਜ ਪਾਣੀ
ਦੀਆਂ ਛੱਲਾਂ ਦੀ ਮਹਿਕ, ਉੱਤੇ ਉੱਡਦੀ ਹਲਕੀ
ਹਲਕੀ ਧੁੰਦ ਆਉਣ ਵਾਲੇ ਚੰਗੇ ਵੇਲੇ ਦਾ ਸੰਕੇਤ ਹਨ, ਕੁਝ ਲਿੰਕ
ਅੱਪਡੇਟ ਵੀ ਕੀਤੇ ਹਨ:

ਇੱਕ ਗਲ਼ ਕਿ ਅਜੇ ਵੀ ਕੋਈ ਅਖ਼ਬਾਰ ਯੂਨੀਕੋਡ ਪੰਜਾਬੀ
ਵਿੱਚ ਪੰਜਾਬ ਤੋਂ ਨਹੀਂ ਚਲਿਆ (ਜੇ ਟ੍ਰਿਬਿਊਨ ਵਾਲੇ
ਆਪਣੇ ਵਾਅਦੇ ਉੱਤੇ ਪੱਕੇ ਰਹੇ ਤਾਂ ਜਨਵਰੀ ਵਿੱਚ ਹੋਣਾ
ਚਾਹੀਦਾ ਹੈ)

ਹਾਲ ਦੀ ਘੜੀ ਤਾਂ ਬਲੌਗ ਹੀ ਪੰਜਾਬੀ ਯੂਨੀਕੋਡ ਦੀ
ਮੋਢੀ ਕਤਾਰ 'ਚ ਹਨ:
ਵਰਡਪਰੈੱਸ ਵਲੋਂ
ਮੈਂ ਵੀ ਬਲੌਗ ਬਣਾਉਣ ਦੀ ਕੋਸ਼ਿਸ਼ ਕਰਾਂਗਾ, ਪਰ ਪੂਰਾ
ਕਦੋਂ ਤੱਕ ਕਰਦਾ ਹਾਂ, ਪਤਾ ਨੀਂ

ਰਾਜਨੀਤੀ - ਬੇਸ਼ਰਮੀ ਦੀ ਹੱਦ ਤੱਕ...

ਮੁੰਬਈ ਬੰਬ ਧਮਾਕਿਆਂ ਤੋਂ ਬਾਅਦ ਮੀਡਿਆ ਨੇ ਲਗਾਤਾਰ ਲੋਕਾਂ ਨੂੰ
ਉਤਸ਼ਾਹਿਤ ਕੀਤਾ (ਅਸਿੱਧੇ ਰੂਪ ਵਿੱਚ ਭੜਕਾਇਆ) ਅਤੇ ਰਾਜਨੀਤਿਕ ਲੋਕਾਂ
ਉੱਤੇ ਹਮਲੇ ਜਾਰੀ ਰੱਖੇ (ਕਿਉਂਕਿ ਕਈ ਹਿੰਦੀ ਲੇਖਕਾਂ ਨੇ ਆਪਣੇ ਲੇਖ ਵਿੱਚ
ਇੱਥੋਂ ਤੱਕ ਲਿਖ ਦਿੱਤਾ ਹੈ ਕਿ ਮੀਡਿਆ ਕਿਓ ਬੋਲ ਰਿਹਾ ਹੈ ਕਿਉਂਕਿ ਇਹ
ਤਾਜ ਹੋਟਲ ਦੀ ਗ਼ਲ ਹੈ, ਇਹ ਟਾਟਾ ਬਿਰਲੇ ਦੀ ਗੱਲ਼ ਹੈ, ਇਹ ਹਮਲਾ
ਓਬਰਾਏ ਹੋਟਲ ਉੱਤੇ ਹੋਇਆ ਹੈ, ਇਹ ਕੀਤੇ ਰੇਲ ਗੱਡੀ ਵਿੱਚ ਨਹੀਂ ਹੋਇਆ,
ਇੱਥੇ ਮਰਨ ਵਾਲੇ ਅਮੀਰ ਲੋਕ ਸਨ, ਇੱਥੇ ਮਰਨ ਵਾਲੇ ਕਰੋੜਾਂਪਤੀ ਸਨ),

ਹੁਣ ਇਹ ਮੀਡਿਆ ਦੇ ਹਮਲਿਆਂ ਕਰਕੇ ਰਾਜਨੀਤੀ ਦੇ ਲੋਕ ਦਬਾ ਵਿੱਚ
ਆ ਰਹੇ ਸਨ ਅਤੇ ਅਸਤੀਫਿਆਂ ਦਾ ਦੌਰ ਸ਼ੁਰੂ ਹੋ ਗਿਆ, ਜਿੱਥੇ ਕੇਂਦਰੀ
ਹੋਮ ਮਨਿਸਟਰ ਸ਼ਿਵਰਾਜ ਪਾਟਿਲ ਨੇ ਅਸਤੀਫਾ ਦਿੱਤਾ, ਉੱਥੇ ਮਹਾਂਰਾਸ਼ਟਰ
ਦੇ ਮੁੱਖ-ਮੰਤਰੀ ਅਤੇ ਉਪ-ਮੁੱਖਮੰਤਰੀ ਉੱਤੇ ਭਾਰੀ ਦਬਾ ਰਿਹਾ, ਜਿੰਨ੍ਹਾਂ
ਅਸਤੀਫ਼ਾ ਦੇ ਦਿੱਤਾ ਅਤੇ ਅੱਜ ਸਭੇ ਲੋਕ ਫਾਰਗ ਹੋ ਗਏ ਹਨ ਜਾਂ ਕਰ ਦਿੱਤੇ
ਗਏ ਹਨ, ਇਹੀ ਮੇਰਾ ਮੁੱਦਾ ਹੈ...

ਪਹਿਲਾਂ ਸੈਂਟਰ ਦੀ ਗੱਲ਼, 29 ਨਵੰਬਰ ਨੂੰ ਘਟਨਾ ਖਤਮ ਹੋਣ ਤੱਕ
ਦੇਸ਼ ਨੂੰ ਇੱਕ ਜੁੱਟ ਰਹਿਣ ਅਤੇ ਕਾਰਵਾਈ ਕਰਨ ਦੀ ਲੋੜ ਸੀ, ਕੀਤੀ ਗਈ
ਅਤੇ ਕੰਮ ਖਤਮ ਹੋ ਗਿਆ, ਪਰ ਉਸ ਤੋਂ ਬਾਅਦ ਨੇਤਾਵਾਂ ਦੀ ਜ਼ਿੰਮੇਵਾਰੀ ਲੈਣ
ਦੀ ਗੱਲ਼ ਸੀ ਅਤੇ ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਗਲਤੀ ਤਾਂ ਹੋਈ ਅਤੇ
ਨੁਕਸਾਨ ਵੀ!
ਇਹ ਜ਼ਿੰਮੇਵਾਰੀ ਕਿਸੇ ਨੂੰ ਲੈਣੀ ਚਾਹੀਦੀ ਸੀ ਅਤੇ ਲੈਣ ਦਾ ਮਤਲਬ ਕਿ
ਖੁਦ ਹੀ ਅਸਤੀਫ਼ਾ ਦੇ ਦੇਣਾ ਚਾਹੀਦਾ ਸੀ, ਮੇਰੇ ਮੁਤਾਬਕ ਭਾਰਤ ਅਤੇ ਮਹਾਂਰਾਸ਼ਟਰ
ਦੇ ਹੋਮ ਮਨਿਸਟਰ, ਗੁਪਤ-ਏਜੰਸੀਆਂ ਦੇ ਮੁਖੀਆਂ ਅਤੇ ਕੋਸਟਲ-ਗਾਰਡ ਦੇ ਮੁਖੀ
ਤਾਂ 100% ਇਸ ਅਸਤੀਫ਼ੇ ਦੇ ਹੱਕਦਾਰ ਸਨ, ਪਰ ਜਿਵੇਂ ਕਿ ਹੁੰਦਾ ਹੈ, ਜ਼ਿੰਮੇਵਾਰੀ
ਅਤੇ ਫ਼ਰਜ਼ ਨਿਭਾਉਣ ਅਤੇ ਇਮਾਨਦਾਰੀ ਦਾ ਰਾਹ ਵੇਖਾਉਣ ਦਾ ਕੰਮ ਸੀਨੀਅਰ
ਤੋਂ ਚਾਲੂ ਹੁੰਦਾ ਹੈ, ਸ਼ੁਰੂ ਸ਼ਿਵਰਾਜ ਪਾਟਿਲ ਤੋਂ ਹੋਣਾ ਚਾਹੀਦਾ ਸੀ, ਪਰ ਹੋਇਆ ਕੀ?
ਦੋ ਦਿਨ ਬਾਅਦ ਵੀ ਅਸਤੀਫ਼ਾ ਨਾ ਦਿੱਤਾ, ਕਾਂਗਰਸ ਪਾਰਟੀ ਦੀ ਮੀਟਿੰਗ
ਵਿੱਚ ਜਦੋਂ ਸਵਾਲ ਪੁੱਛਿਆ ਕਿ ਕੌਣ ਜ਼ਿੰਮੇਵਾਰੀ ਲੈਂਦਾ ਹੈ ਤਾਂ ਪਰਧਾਨ ਮੰਤਰੀ ਨੂੰ
ਸ਼ਰਮੋਂ-ਸ਼ਰਮੀ ਕਹਿਣਾ ਪਿਆ ਕਿ ਮੈਂ ਇਹ ਦਾ ਮੁਖੀ ਹਾਂ ਅਤੇ ਪਹਿਲਾਂ ਮੈਂ ਅਸਤੀਫਾ
ਦਿੰਦਾ ਹਾਂ (ਜਦੋਂ ਕਿ ਉਸ ਸਮੇਂ ਦੇ ਹੋਮ ਮਨਿਸਟਰ ਨੇ ਸੁਲਹਾ ਵੀ ਨਹੀਂ ਮਾਰੀ ਤਾਂ),
ਇਸ ਦੇ ਬਾਅਦ ਵਿਦੇਸ਼ ਮੰਤਰੀ ਪ੍ਰਣਬ ਮੁਖਰਜੀ ਨੇ ਕਿਹਾ ਅਤੇ ਹੁਣ ਹੋਮ ਮਨਿਸਟਰ
ਦੀ ਜਾਗ ਖੁੱਲ੍ਹ ਗਈ ਅਤੇ ਉਸ ਨੇ ਅਸਤੀਫਾ "ਤਾਂ" ਦਿੱਤਾ!

ਹੁਣ ਮਹਾਂਰਾਸ਼ਟਰ ਦੀ ਗੱਲ ਕਰੀਏ ਤਾਂ ਉਪ-ਮੁੱਖ-ਮੰਤਰੀ ਨੇ ਅਸਤੀਫਾ ਸੈਂਟਰ
ਦੇ ਅਸਤੀਫੇ ਤੋਂ 1 ਦਿਨ ਬਾਅਦ ਦਿੱਤਾ ਅਤੇ ਮੁੱਖ ਮੰਤਰੀ ਨੇ ਨਹੀਂ ਦਿੱਤਾ, ਫੇਰ
ਦੇ ਦਿਨ ਬਾਅਦ ਵੀ ਨਹੀਂ ਦਿੱਤਾ, ਫੇਰ ਕਿਹਾ ਗਿਆ ਕਿ ਅਸਤੀਫਾ ਭੇਜ ਦਿੱਤਾ
ਗਿਆ ਹੈ, ਪਰ ਕਿਹਾ ਇਹ ਵੀ ਜਾਂਦਾ ਰਿਹਾ ਕਿ ਦਿੱਤਾ ਨਹੀਂ ਦਵਾਇਆ ਗਿਆ ਹੈ,
ਉਹ ਤਾਂ ਦਿਸ ਰਿਹਾ ਹੈ ਕਿ 5-7 ਬਾਅਦ ਅਸਤੀਫਾ ਦਿੱਤਾ ਤਾਂ ਕੀ ਦਿੱਤਾ
ਅਤੇ ਕਹਿ ਕਹਿ ਦਿਵਾਉਣ ਦਾ ਕੀ ਮਤਲਬ ਬਾਈ? ਕੁਝ ਬਣਦੀ ਏ ਗ਼ਲ,
ਕੁਝ ਸ਼ਰਮ ਬਾਕੀ ਹੈ ਅਜੇ ਲਹਾਉਣ ਲਈ?
ਜਿਵੇਂ ਕਿ ਅੱਗੇ ਕਿਹਾ ਸੀ ਕਿ ਚਾਹੀਦਾ ਤਾਂ ਇਹ ਸੀ ਕਾਰਵਾਈ ਪੂਰੀ ਹੁੰਦੇ
ਸਾਰ ਹੀ ਕਹਿੰਦੇ ਕਿ ਆਹ ਪਿਆ ਸਾਡਾ ਅਸਤੀਫ਼ਾ, ਪਰ ਕੁਰਸੀ ਨਾਲ ਐਨਾ
ਪਿਆਰ ਕਿ ਆਪਣੇ ਜ਼ਮੀਰ ਨੂੰ ਭੁੱਲ ਗਏ, ਬੇਸ਼ਰਮੀ ਦੀ ਹੱਦ ਹੋ ਗਈ,
ਸ਼ਾਇਦ ਹੱਦ ਤੋਂ ਵੱਧ...

ਕੁਝ ਦਿਲਚਸਪ ਗੱਲਾਂ ਸ਼ਾਇਦ ਤੁਸੀਂ ਵੀ ਸੁਣੀਆਂ ਹੋਣ:

1)ਘਟਨਾ ਪੂਰੀ ਹੋਣ ਵਾਲੀ ਸ਼ਾਮ ਨੂੰ ਇੱਕ ਸੂਬੇ ਦਾ ਮੁੱਖ ਮੰਤਰੀ ਆਪਣੇ ਪੁੱਤਰ
ਅਤੇ ਇੱਕ ਫਿਲਮ ਡਾਇਰੈਕਟਰ ਨਾਲ ਘਟਨਾ ਵਾਲੀ ਥਾਂ ਉੱਤੇ ਘੁੰਮਣ ਜਾਂਦਾ ਹੈ,
ਜਿਵੇਂ ਕਿ ਪਾਰਕ ਵਿੱਚ ਸੈਰ ਕਰ ਗਿਆ ਹੋਵੇ!
2) ਇੱਕ ਸੂਬੇ ਦੇ ਹੋਮ ਮਨਿਸਟਰ ਬਿਆਨ ਦਾਗਦਾ ਹੈ ਕਿ "ਬੜੇ ਬੜੇ ਸ਼ਹਿਰੋਂ
ਮੇਂ ਐਸੀ ਘਟਨਾਏ ਹੋਤੀ ਰਹਿਤੀ ਹੈ"
3) ਇੱਕ ਪਾਰਟੀ ਦਾ ਸੀਨੀਅਰ ਨੁਮਾਇੰਦਾ ਕਹਿੰਦਾ ਹੈ, "ਖੁਦ ਇਹ ਔਰਤਾਂ
ਆਪਣੇ ਮੂੰਹ ਉੱਤੇ ਵਿਦੇਸ਼ੀ ਸੁਰਖੀ ਪਾਊਂਡਰ ਲਾ ਕੇ ਨਾਅਰੇ ਲਾਉਦੀਆਂ ਹਨ, ਜਿੰਨ੍ਹਾਂ
ਦੀ ਗਿਣਤੀ ਕੁਝ ਵੀ ਨਹੀਂ"