12 February, 2006

ਅਨੁਵਾਦਕ - ਖਤਮ ਹੋਇਆ ਇੱਕ ਸਫ਼ਰ

ਸ਼ੁੱਕਰਵਾਰ ਸ਼ਾਮ ਨੂੰ ਦਫ਼ਤਰੀ ਤੌਰ ਉੱਤੇ ਆਪਣੇ ਕੰਮ, ਤਕਨੀਕੀ ਅਨੁਵਾਦ
(ਟੈਕਨੀਕਲ ਟਰਾਂਸਲੇਟਰ) ਤੋਂ ਫਾਰਗ ਹੋ ਗਿਆ ਹਾਂ, ਸ਼ੁੱਕਰਵਾਰ ਦੀ ਸ਼ਾਮ
ਕਾਫ਼ੀ ਰੁਝੇਵਿਆਂ ਭਰੀ ਸੀ, ਦਿਲ ਵਿੱਚ ਦਰਦ ਸੀ, ਉਦਾਸੀ ਸੀ ਚੇਹਰੇ ਉੱਤੇ,
ਉਸ ਸਫ਼ਰ ਤੋਂ ਵੱਖ ਹੋਣ ਦੀ, ਜਿਸ ਨੇ ਮੈਨੂੰ ਡੇਢ ਸਾਲ ਤੋਂ ਵੱਧ ਰਿਜਕ ਦੇਈ
ਰੱਖਿਆ।

ਨੌਕਰੀ ਕਰਦਿਆਂ ਪਤਾ ਹੀ ਨੀਂ ਕਿ ਇਹ ਸਮਾਂ ਕਿਵੇਂ ਗੁਜ਼ਰ ਗਿਆ, ਕਿਤੇ
ਕਿਤੇ ਲੱਗਦਾ ਹੈ ਕਿ ਖੰਭ ਲੱਗੇ ਹੋਏ ਹਨ, ਜਿਵੇਂ ਕਿ ਲੋਕ ਕਹਿੰਦੇ ਹਨ। ਕੱਲ੍ਹ
ਦੀਆਂ ਗੱਲਾਂ ਨੇ ਜਦੋਂ ਅਸੀਂ ਕਾਲਜਾਂ ਵਿੱਚ ਪੜ੍ਹਦੇ ਹੁੰਦੇ ਸਾਂ, ਅਤੇ ਐਵੇਂ ਕਾਹਲੀ
ਕਾਹਲੀ ਵਿੱਚ ਕੋਈ ਪਰੋਜੈੱਕਟ ਨਾ ਮਿਲਣ ਕਰਕੇ ਲੀਨਕਸ ਨੂੰ ਪੰਜਾਬੀ ਵਿੱਚ ਕਰ
ਦਾ ਹੀ ਪਰੋਜੈੱਕਟ ਫੜ ਲਿਆ ਸੀ, ਅਤੇ ਅੱਜ ਰੈੱਡ ਹੈੱਡ 'ਚ ਕੰਮ ਕਰਦਿਆਂ ਨੂੰ
ਲੱਗਭਗ ਦੋ ਸਾਲ ਹੋ ਗਏ?

ਬਹੁਤ ਸਾਰੇ ਸਬਕ ਸਿੱਖੇ ਹਨ, ਬਹੁਤ ਪ੍ਰਾਪਤੀਆਂ ਰਹੀਆਂ ਹਨ, ਇਸ ਸਮੇਂ
ਦੌਰਾਨ, ਖਾਸ ਤੌਰ ਉੱਤੇ ਕੰਮ ਕਰਨ ਦੀ ਲੱਚਕਤਾ, ਸਮੇਂ ਦੀ ਕੋਈ ਪਾਬੰਦੀ ਨਹੀਂ,
ਜਦੋਂ ਕੰਮ ਹੈ ਤਾਂ ਡੱਟ ਕੇ ਕਰੋ, ਨਹੀਂ ਤਾਂ ਮਰਜ਼ੀ ਹੈ, ਰਿਪੋਰਟ ਜਦੋਂ ਦੇਣੀ ਹੈ ਤਾਂ
ਦਿਓ, ਨਹੀਂ ਤਾਂ ਕੋਈ ਗੱਲ਼ ਨੀਂ ਐਡੀਂ, ਕੰਮ ਨਹੀਂ ਹੋਇਆ ਤਾਂ ਕੀ ਹੋਇਆ ਤੁਸੀਂ
ਤਾਂ ਜਤਨ ਕੀਤਾ ਨਾ, ਬਸ ਬਹੁਤ ਹੈ ਐਨਾ ਹੀ, ਹੋਰ ਚਿੰਤਾ ਨੀਂ ਕਰਨੀ,
ਸਹੀਂ ਕੰਮ ਕਰਨਾ ਲਾਜ਼ਮੀ ਹੈ, ਤੁਸੀਂ ਆਪਣੇ ਆਉਣ ਵਾਲੇ ਭਵਿੱਖ ਬਾਰੇ ਕੀ
ਸੋਚਦੇ ਹੋ, ਕੀ ਬਣਨਾ ਚਾਹੁੰਦੇ ਹੋ? ਏਦਾਂ ਦਾ ਨਿੱਘਾ ਪਿਆਰ, ਸੋਚ ਪੈਦਾ ਹੋਈ
ਕਿ ਮੈਂ ਜੋ ਨਾ ਕਰਨ ਜੋਕਰਾ ਸੀ, ਉਹ ਵੀ ਕਰ ਗਿਆ, ਕੁਝ ਹੌਸਲਾ ਵਧਿਆ ਅਤੇ
ਮੇਰੇ ਸੁਭਾਅ ਵਿੱਚ ਕਾਫ਼ੀ ਕੁਝ ਬਦਲਿਆ, ਸਹਿਨਸ਼ੀਲ ਬਣਿਆ, ਉਡੀਕ ਕਰਨ
ਦੀ ਸਮਰੱਥਾ ਪਹਿਲਾਂ ਤੋਂ ਵੀ ਵੱਧ ਗਈ, ਸਹੀਂ ਕੰਮ ਕਰਨੇ ਸਿੱਖੇ (ਭਾਵੇਂ ਕਿ ਚੰਗਾ
ਨਾ ਹੀ ਲੱਗੇ), ਲੋਕਾਂ ਨੂੰ ਸਮਝਣ ਦੀ ਸਮੱਰਥਾ ਆਈ। ਸਚਮੁੱਚ ਹੀ ਇਸ ਟੀਮ
ਵਿੱਚ ਕੰਮ ਕਰਨਾ ਮੇਰੀ ਜਿੰਦਗੀ 'ਚ ਇੱਕ ਇਨਕਲਾਬ ਹੀ ਸੀ, ਅੱਜ ਜਿਸ ਮੁਕਾਮ
ਨੂੰ ਮੈਂ ਛੁਹਣ ਜਾ ਰਿਹਾ ਹਾਂ, ਉਹ ਇਸ ਟੀਮ ਦੀ ਬਦੌਲਤ ਅਤੇ ਖਾਸ ਤੌਰ ਉੱਤੇ ਇਸ
ਟੀਮ ਨੂੰ ਅਗਵਾਈ ਦੇਵੇ ਵਾਲੇ ਕਰਕੇ ਹੈ।

ਧੰਨਵਾਦ ਐ ਟੀਮ, ਲੱਖ ਵਾਰ ਧੰਨਵਾਦ

ਅਲਵਿਦਾ ਅੱਜ ਤੈਨੂੰ ਕਹਿ ਚੱਲਿਆ,
ਪ੍ਰੀਤ ਨਵੇਂ ਸਫ਼ਰ ਦੇ ਹਾਰ ਪੈ ਚੱਲਿਆ,
ਹਰਦਮ ਤੈਨੂੰ ਦਿਲ 'ਚ ਰੱਖਾਗਾਂ ਮੈਂ
ਤੇਰੀ ਫ਼ਰਾਖ ਦਿਲੀ ਸਭ ਨੂੰ ਦੱਸਾਗਾਂ ਮੈਂ
ਚੱਲ ਹੁਣ ਸਮਾਂ ਆ ਗਿਆ ਹੈ ਵਿਛੜਨਾ ਦਾ
ਬਸ ਇੱਕ ਵਾਅਦਾ ਚਾਹੀਦਾ ਹੈ ਫੇਰ ਮਿਲਣ ਦਾ
ਅਲਵਿਦਾ ਅਲਵਿਦਾ .....

2 comments:

SikhsRus said...

Amanpreet Singh,

Tera blog bahut sohna! Eh Punjabi which kiddan likhday ho.

ਅ. ਸ. ਆਲਮ (A S Alam) said...

I m using Linux (Fedora) OS, which supports Punjabi (via unicode).
I m working as Translator for Localization Team
http://punlinux.sf.net/news/
which is providing Punjabi GUI also in various Open Source Application